မြန်မာ့မူ၊ မြန်မာ့ဟန်နဲ့ပိတောက်ခူးလို့ရေပက်ခံသူ

မြန်မာ့မူ၊ မြန်မာ့ဟန်နဲ့ပိတောက်ခူးလို့ရေပက်ခံသူတို့ နှစ်ဦးကြိုတဲ့သင်္ကြန်

Posted by AF in ပြည်တွင်း အနုပညာ ရပ်ဝန်း

မြန်မာလူမျိုးတွေ မြတ်နိုးတန်ဖိုး ထားကြတဲ့ မြန်မာ့ရိုးရာ အတာသင်္ကြန် ရေသဘင်ပွဲတော်ကြီးဟာ မကြာတော့တဲ့ အချိန်ကာလမှာ ရောက်ရှိလာတော့မှာ ဖြစ်ပါတယ်။ သင်္ကြန်ချိန်ခါမှာ ရေကစား ပျော်ပါးကြမယ့် တိုင်းသူပြည်သားများကလည်း အခုချိန်ကတည်းက သင်္ကြန်အစီအစဉ်တွေ ရေးဆွဲနေကြပါပြီ။ မြန်မာ့ရိုးရာ သင်္ကြန်ချိန်ခါမှာ အနောက်တိုင်း ယဉ်ကျေးမှုများ ဘယ်လိုပဲလွှမ်းမိုးပါစေ မြန်မာ့ရိုးရာ ဝတ်စားဆင်ယင်မှုများထဲက ပင်နီအင်္ကျီ၊ ယောထဘီနဲ့ ချိတ်ပိုးထည် အဆင်များကတော့ ကနေ့ ထိတိုင် ရိုးရာမပျက်ဘဲ မြန်မာလူမျိုးများ စုံမက်စွာ ဝတ်ဆင်ကြတာကိုလည်း နှစ်စဉ်မြင်တွေ့ရပါတယ်။ လူငယ်နဲ့သင်္ကြန်ဟာ ခေတ်အဆက်ဆက် တူယှဉ်တွဲလျက် ရှိခဲ့ကြ တာကြောင့် အခုအပတ်မှာတော့ ပေါ်ပြူလာဂျာနယ်ရဲ့ သင်္ကြန်အစီအစဉ် အဖွင့်စာမျက်နှာ အနေနဲ့မြန်မာ့ရိုးရာ သင်္ကြန်မှာမြန်မာ ဆန်ဆန်လှပမှုတွေနဲ့ ကြိုဆိုကြမယ့် ဟိန်းဝေယံနဲ့ ဝတ်မှုံရွှေရည်တို့ရဲ့ သင်္ကြန်ရင်ခုန်သံ စကားတွေကို ပရိသတ်ကြီးအတွက် တင်ဆက်ပေးလိုက်ပါတယ်။
ဟိန်းဝေယံ- ကစ်ကစ်က သင်္ကြန်မှာ ဘာအမှတ်တရတွေ ရှိလဲ။
ဝတ်မှုံရွှေရည်-ငယ်ငယ်တုန်းကတော့ သင်္ကြန်ရေပက်ခံ ထွက်ဖူးတယ်။ နောက်ပိုင်းကျတော့ ရေပက်ခံမထွက် ဖြစ်တော့ဘူး။ မဏ္ဍပ်ထိုင်ဖြစ်တယ်။ ဟိုးငယ်ငယ်တုန်း ကတော့ အိမ်ရှေ့ လမ်းမမှာလာတဲ့ သူတွေကို ရေပက်တာ တအားပျော်ဖို့ ကောင်းတယ်။ ကစ် ၁ဝတန်းအောင်တော့ မဏ္ဍပ်ထိုင်တယ်။
ဟိန်း-သင်္ကြန်ကတော့ နှစ်တိုင်း ခရီးသွားဖြစ်တယ်။ ကိုယ်မရောက်ဖူးတဲ့ နေရာတွေ ပုပ္ပါး၊ ပုဂံညောင်ဦးတို့ ခရီးတွေသွားဖြစ်တယ်။ ခရီးမသွား ဖြစ်တဲ့နှစ်တွေဆိုရင် ငယ်ငယ်တုန်းက မဏ္ဍပ်တွေ မထိုင်ဖြစ်ဘူး။ သူငယ်ချင်းတွေနဲ့ ရေပြွတ်တစ်လက်နဲ့ လျှောက်ပက်တယ်။ အဲဒီလိုမျိုး တွေပေါ့။ (ဟား…ဟား)
ကစ်-ဟုတ်တယ်။အဲဒီအရွယ်တုန်းကတအား ပျော်ဖို့ကောင်းတာ။ ကစ်ငယ်ငယ်လေးပဲ ရှိတယ်။ လမ်းမှာလာသမျှ လူတွေကို ရေခွက်နဲ့လိုက်ပက်တယ်(ဟား..ဟား)
ဟိန်း-(ဟား…ဟား) ခွက် စောင်းနဲ့ကောမခုတ်ဘူးလား။
ကစ် – ခုတ်တာပေါ့။ သြော်…အင်း သင်္ကြန် ဖူးစာကောရှိလား။
ဟိန်း-သြော်သင်္ကြန်ကတော့ အေးဆေးနေတယ်။
ကစ်-သင်္ကြန်က သူငယ်ချင်းတွေနဲ့ ပျော်ဖို့ ကောင်းတယ်။ ကစ် အကြိုက်ဆုံးပွဲထဲမှာ သင်္ကြန်လည်းပါတယ်။
ဟိန်း-ဟုတ်တယ်။ တစ်နှစ်ပတ်လုံးမှာ သင်္ကြန်က ပျော်ဖို့ အကောင်းဆုံးပဲ။
ကစ်-ဒီနှစ်သင်္ကြန်ပြီး သွားပြီဆိုရင် နောက် နှစ် သင်္ကြန်ကို မြန်မြန် ရောက်ချင်ပြီ။ ပျော်ဖို့ ကောင်းတာပေါ့။
ကစ်-မဏ္ဍပ်ထိုင်မှာလား၊၊ ဘာလုပ်မှာလဲ။
ဟိန်း-ဒီနှစ် မထိုင်ဖြစ်ဘူး။ အိမ်မှာပဲ ရှိ ဖို့များတယ်။ ကစ်ကစ်ကကော။
ကစ်-ကစ်က ခရီးသွားဖြစ်မယ် ထင်တာပဲ။
ဟိန်း-ဘယ်သွားဖို့စဉ်းစားထားလဲ။
ကစ်-မသိသေးဘူး။ အပန်းဖြေပဲ သွားဖြစ်မှာပါ၊၊အဓိကကတော့ အနားယူချင်တာပေါ့ သင်္ကြန်ပဲ အားတာဆိုတော့၊၊ ခရီးသွားပြီး အနားယူမယ်။
ဟိန်း-ငယ်ငယ်တုန်းက သင်္ကြန်အမှတ်တရ တစ်ခုရှိတယ် ကားထဲမှာ လူတစ်ယောက်ရှိတယ်။ သူ့ကိုရေနဲ့ပက်ချင်တာ။ သူကမှန်တွေ အကုန်တင်ထားတာ။ အဲဒါပက်လို့ မရဘူး။ ဘေးနားမှာရှိတဲ့ နို့ဆီခွက်တွေ၊ ရေခွက်တွေကို ကိုင်ပြီး မှန်ပိတ်ထားတာကို သိရဲ့သားနဲ့ ခွက်စောင်း ခုတ်လိုက်တယ်။ သူကတစ်ကြိမ်၊ နှစ်ကြိမ်လောက်ကို ခွင့် လွှတ်တယ်။ အကြိမ်တွေများ လာတော့ မှန်ချပြီးကောတာပေါ့။ မှန်က ကွဲတော့မယ်။ ထပ်ပြီးတော့ ပက်ရင်ကွဲပြီ။
ကစ်-မဏ္ဍပ်ထိုင်တာကော ပျော်လား။
ဟိန်း-အင်းပျော်တယ်။ ခုနောက်ပိုင်းတော့ သိပ်မထိုင်ဖြစ်ဘူး။ ၁ဝတန်းဖြေပြီးခါစ နှစ်တုန်းက မဏ္ဍပ်တစ်ခုမှာ ထိုင်ဖူးတယ်။ သူငယ်ချင်းတွေနဲ့ ပျော်ဖို့ကောင်းတယ်။
ကစ်-တရားစခန်းဝင်ဖို့ကော အစီအစဉ်ရှိလား။
ဟိန်း-မရှိပါဘူး။ ကစ်ကကော
ကစ်-အဲ…ကစ်က ဘယ်လိုပြောရမလဲ ဝင် တော့လည်း ဝင်ချင်တယ် ဝင်လည်း မဝင်ချင်ဘူး။ ဘာလို့လဲဆိုတော့ တရားစခန်းက ဝင်ချင်တယ်။ သင်္ကြန်လိုရက်မျိုးမှာတော့ တရားစခန်းက မဝင်ဖြစ်ဘူး။ အာရုံများမှာဆိုတော့ ကိုယ်ကတရားစခန်းမှာ။ သူငယ်ချင်းတွေကအပြင်မှာ ပျော်နေကြမှာ။ အဲဒီခါကျရင် တရားကောင်းကောင်း မှတ်လို့ မရမှာစိုးလို့ပါ။
ဟိန်း-အခုလို သင်္ကြန်အတွက်ကို ဒီလိုဝတ်စုံလေးနဲ့ရေဖလားတွေနဲ့ ရိုက်ရတာ ကစ်စိတ်ထဲမှာ ဘယ်လိုနေလဲ။
ကစ်-ဘယ်လိုခေါ်မလဲ၊သင်္ကြန်နားလည်း နီးနေပြီ။ ဒီလိုမျိုးလည်း ရိုက်ရတော့ သင်္ကြန် Moodလည်း ရနေပြီပေါ့။ပျော်ပါတယ်။ အမှတ်တရ ဖြစ်တာပေါ့နော်။
ဟိန်း-ဟုတ်တယ်နော်။ ဘာလို့လဲဆိုတော့ သင်္ကြန်ဆိုတဲ့ဒီပွဲတော်ကြီးမှာ ကိုယ်တွေ မြန်မာနိုင်ငံ ဗုဒ္ဓဘာသာဝင်ထဲမှာ တစ်နှစ်ပတ်လုံးမှာရှိတဲ့ အညစ်အကြေးတွေကို သင်္ကြန်ရေနဲ့ ဆေးကြောလိုက်တယ်။ အဲဒီလို ပုံစံမျိုးနဲ့ သင်္ကြန်ပွဲမှာ ကျင်းပတယ်။ ဆင်နွှဲတယ်။ ဒါ မြန်မာ့ရိုးရာဖြစ်တဲ့အတွက် ပေါ်ပြူလာဂျာနယ် မျက်နှာဖုံးအတွက် ကို မြန်မာဝတ်စုံလေးနဲ့၊ သင်္ကြန်ပုံစံမျိုးကို Target လေးထားပြီး ရိုက်ရတဲ့အတွက်  စိတ်ထဲမှာ တအားကို ပျော်ရွှင်မိတာပေါ့။
ကစ်-ဟုတ်တယ်။ နောက်ပြီးတော့ နှစ်ဆန်း ၁ရက်နေ့ကျရင် ဘုရားမသွားဘဲ ကုသိုလ်ကောင်းမှု မလုပ်ဘဲမနေနိုင်ဘူး၊၊  အဲဒီနေ့မှာ ဘုရားသွားလိုက်တယ်။ ကုသိုလ်ကောင်းမှု လုပ်လိုက်တယ်ဆိုရင်ပဲ စိတ်ကကြည်လင်ပြီးတော့ အေးချမ်းသွားတယ်။
ဟိန်း-ဟုတ်တယ်။ ဗုဒ္ဓဘာသာ တော်တော်များများက နှစ်ဆန်းတစ်ရက်နေ့ဆိုရင် စိတ်သစ်လူသစ်လို ဖြစ်သွားတယ်။
ကစ်-ကစ်ကတော့ နှစ်တိုင်းနှစ်တိုင်းတော့ နှစ်ဆန်းတစ်ရက်နေ့ဆို ဘုရားသွားဖြစ်တယ်။ ဟိန်းဝေယံကကော သွားလား။
ဟိန်း-သွားတယ်။ နှစ်ဆန်းတစ်ရက်နေ့ဆို ပုံမှန်သွားဖြစ်တယ်။ ဟိုးငယ်ငယ်တုန်းက ဆိုရင်တော့ အဲဒီနောက်ဆုံးနေ့ အတက်နေ့မှာ အသားကုန်သောင်းကျန်း ပြီးသွား ရင် နှစ်ဆန်းတစ်ရက်နေ့ဆို ဘုရားသွားဖို့ မနည်းထရတယ်။
ကစ်-အဲဒါဆိုရင် ပေါ်ပြူလာပရိသတ်ကြီးကို နှစ်သစ်တစ်နှစ် ထပ်ကူးမယ်ဆိုတော့ အရင်နှစ်ဟောင်းက ကံဆိုးတာတွေ၊ စိတ်ညစ်စရာတွေ အားလုံးပျောက်ပြီးတော့ စိတ်သစ်၊ လူသစ်၊ ပျော်ပျော်ရွှင်ရွှင်နဲ့ လိုရာဆန္ဒတွေအားလုံး  ပြည့်စုံပါစေလို့ ဆုတောင်းပေးပါတယ်။  ကစ်ကိုလည်း ပရိသတ်ကြီးက ဆုတောင်းပေးဦးနော်။ (ပရိသတ်တွေ အားလုံးတာ့တာ)
ဟိန်း-ပရိသတ်ကြီး အားလုံးမင်္ဂလာပါ။ သင်္ကြန်လည်း ရောက်တော့မယ်ဆိုတော့ ကျွန်တော့်ရဲ့ ပရိသတ်ကြီးမှ မဟုတ်ပါဘူး။ လူအားလုံး ပြည်သူလူထုအားလုံး သင်္ကြန် ရက်တွေထဲမှာ ပျော်ပျော်ရွှင်ရွှင်နဲ့ ဖြတ်သန်းနိုင်ကြပါစေ။ တစ်နှစ်ပတ်လုံးမှာရှိတဲ့ ဆိုးကျိုးတွေရော၊ ပြုလုပ်ခဲ့တဲ့ အဆင်မပြေတာတွေရော၊ မကောင်းတဲ့ကံအားလုံး သင်္ကြန်ရေနဲ့ အတူတူ ဆေးကြောနိုင်ပါစေ။ အားလုံးပဲ စိတ်ရော၊ကိုယ်ရော ကျန်းမာ၊ချမ်းသာကြပါစေလို့ ဆုတောင်းပေး လိုက်ပါတယ်။