စင်္ကာပူကို လင်ယူဖို့သွားတာလားညနေမိုး (သို့ ) ပြောမနာဆိုမနာကဗျာ- ၁
ငယ်ငယ်တုန့်းကမြို့ကလေးဆီ
နင့်အာရုံတွေပြန်မရောက်တော့ဘူး
သွားတော့မယ်နော်
သြော်..
အဆီဗူးတွေဈေးတက်သွားပြီအောင်မှူးဝေ..တဲ့
အဆက်စပ်မရှိတဲ့စကားတွေနဲ့တွေ့လိုက်တိုင်း
သွေး(စစ်ကိုင်း)နဲ့နင်ကဒီလိုပဲ
ကဗျာဆရာဆိုတာ အုပ်စုဖွဲ့မိုးရေစက်များပါပဲဟာ
မိုးကောင်းတုန်းကရွာချခဲ့ရင်
နင်လည်းအခုလောက်အထီးကျန်မှာမဟုတ်။
ငါလည်းအပျိုကြီးတွေကိုပီဇာကျွေးရတဲ့ဒုက္ခကနေလွတ်မြောက်ခွင့်ရမယ်။
အပြင်ထွက်ရမယ်
ဗိုက်ဖုံးအင်္ကျီလေးရဲ့အပြင်ဘက်ကိုထွက်ရမယ်
ကလေးတွေအော်ကြသလိုမျိုး နင်အော်တယ်
သွားလေ
ငါတို့ကတော့
နောက်မနက်ဖြန်ကိုစောင့်ကြရဦးမှာ။
ပန်းတိုင်းပွင့်မယ့်နေ့
ဆိုတာကိုပေါ့။
ငယ်ငယ်တုန်းကမြို့ကလေးဆီ
နင့်အာရုံတွေရောက်တဲ့အခါ
ပြန်လာခဲ့ပါသူငယ်ချင်း။
မင်း
စင်္ကာပူကို လင်ယူဖို့ထွက်သွားတာလားညနေမိုး။ ။
အောင်မှူးဝေ
No comments:
Post a Comment