Sunday, April 8, 2012

ဒေါ်အောင်ဆန်းစုကြည်၏အသက်ကို မိမိကယ်တင်ခဲ့ကြောင်း ၀န်ကြီးချုပ်ဟောင်း ဦးခင်ညွန့် ထ...

ဒေါ်အောင်ဆန်းစုကြည်၏အသက်ကို မိမိကယ်တင်ခဲ့ကြောင်း ၀န်ကြီးချုပ်ဟောင်း ဦးခင်ညွန့် ထ...

ဒေါ်အောင်ဆန်းစုကြည်၏အသက်ကို မိမိကယ်တင်ခဲ့ကြောင်း ၀န်ကြီးချုပ်ဟောင်း ဦးခင်ညွန့် ထုတ်ဖော်
ဘန်ကောက်၊ ဧပြီ - ၈
ပြီးခဲ့သည့် ဇန်န၀ါရီလတွင် နေ အိမ်အကျယ်ချုပ်မှ လွတ်မြောက် လာခဲ့သည့် မြန်မာဝန်ကြီးချုပ် ဟောင်း ဦးခင်ညွန့်က ၎င်းသည် လွန်ခဲ့သည့် ကိုးနှစ်ခန့်က ဒီမိုက ရေစီခေါင်းဆောင် ဒေါ်အောင် ဆန်းစုကြည်၏ အသက်ကို ကယ် တင်နိုင်ရန် ပုဂ္ဂိုလ်ရေးအရ ကြား ဖြတ်စွက်ဖက်ခဲ့ရဖူးကြောင်း ဘန်ကောက်ပို့စ်သတင်းစာသို့ ထုတ်ဖော်ပြောကြားလိုက်သည်။
ယခင် တပ်မတော်ထောက် လှမ်းရေးအကြီးအကဲဟောင်း ဦးခင်ညွန့်က ၎င်းင်းသည် ၂၀၀၃ ခုနှစ် မေလ ၃၀ ရက်တွင် စစ် ကိုင်းတိုင်း ဒီပဲယင်းမြို့နယ်အပြင် ဘက်တွင် အစိုးရလိုလားသူ လူ အုပ်က ဒေါ်အောင်ဆန်းစုကြည် ၏ ယာဉ်တန်းအား တိုက်ခိုက်ရာ၌ ကယ်တင်ခဲ့ခြင်းဖြစ်ကြောင်း ဘန်ကောက်ပို့စ်အင်တာဗျူးတစ် ခုတွင် ပြောကြားလိုက်ခြင်းဖြစ် သည်။
ဒီပဲယင်း လူသတ်ပွဲတွင် သေဆုံးသူဦးရေကို တစ်ခါမျှ အတည်မပြုရသေးသော်လည်း မြန်မာ့အတိုက်အခံဘက်ကမူ လူ ၅၀ ခန့် သေဆုံးကြောင်းပြောဆို ထားသည်။ ယနေ့ (တနင်္ဂနွေနေ့) တွင် ဘန်ကောက်ပို့စ်နှင့် ပြုလုပ် သော အင်တာဗျူး၌ ဦးခင်ညွန့်က "အဲဒီ့ညမှာ လူအုပ်ထဲကနေ သူမ (ဒေါ်အောင်ဆန်းစုကြည်)ကိုကယ်ဖို့ ကျွန်တော့်လူတွေကို စေလွှတ်ခဲ့ပါတယ်။ သူတို့ဟာ ဒေါ်အောင် ဆန်းစုကြည်ကို အနီးနားက စစ်တပ်စခန်းတစ်ခုဆီလုံခြုံမှုရအောင် ခေါ်သွားခဲ့ပါတယ်"ဟုပြောသည်။
ဦးခင်ညွန့်သည် ဒေါ်အောင် ဆန်းစုကြည်အား ၎င်း၏ ညီမ ငယ်တစ်ဦးအဖြစ် ရည်ညွှန်းဖူးပြီး၊ သူမ၏ စိတ်ဓာတ်ခိုင်မာမှုကို အစ်ကိုတစ်ဦးကဲ့သို့ ချစ်ခင်လေး စားကြောင်း ထုတ်ဖော်ပြောခဲ့သည်။

No comments:

Post a Comment